Daning: Atmo Tan Sidik
(Kabag Humas Kabupaten Brebes tahun 2010 – 2015; Penerima Anugerah Kebudayaan Kemendikbud RI)
Kocap kacarita,
Yen sing dadi wong tuwa
Sregep tetapa
Anak putu sing bakal nampa
Esih cetha ning Candra Sengkala
_Mangesthi Wicara Ebahing Praja_
Lair Wolulas Januari Mangsa Kapitu
Dina Senin Kliwon
Taun sewu nematus pitung puluh wolu
Pesen, mbabar isine wasiat:
“Anak putu aja pada gawe satru”
Senajan gonge pecah
Waktu tinabuh
Senajan esih ana sing khilaf
Sawise nglakoni maksiat
Tapi esih ana niat taubat
Sebab ana 346 pelem
Sing kecokot codot
Ana 346 lenggarangan sing
Dudu sembarangan lenggarangan
Sing kabeh mau perlu diwacakna
Donga tolak bala
Nganggo rujak nanas
Sing bumbune patrol burak
Akeh uga fatwane ulama
Sing nggawe tuk banyu pada bening
Sing mbang wetan dikancing rasa
Sing mbang lor dikancing sari
Sing mbang kidul dikancing puji
Sing mbang kulon dikancing geni
Sing tengah digawe bungah
Sebab, 346 ronggeng wajib disawer
346 wali bareng nggoleti gamelan sing ilang
Sing lamon ketemu bakal mein jamu
346 gelas jelas nang
Bahasa Indonesiane tambah melas
Ora usah ngenteni dijewer,
Yuh, pada nyawer!
Kiye pan Pilpres
Ora usah digawe stres
Tapi, digawe fresh
“Barang siapa yang memilih seseorang sedangkan ia mengetahui bahwa ada orang lain yang lebih wajar dari yang dipilihnya maka ia telah mengkhianati Allah, Rasul, dan amanat umat”
346 wong sing pada teka
Ndedonga
Mangesthi Wicara Ebahing Praja
Kudu bisa rumangsa
Aja rumangsa bisa
Aja pada cengeng
Lagi ungsum wong
Nanggap ronggeng
Sluman, Slumun, Slamet Dina Dadine Kabupaten Brebes Sing Kaping Telungatus Patang Puluh Enem
Muga tambah ayem
346 plowotan sing meyeg perlu dijejegaken
Endah uripe tata, wajib nyanding literasi waskita
