Nang … ning … nung … neng … nang …
Dina Jemuah paing
Ana pitutur bening
Tanggal 14 Februari
Sesanti saka Kyai Syahuri:
“Yen ilmu kudu dilakoni,
Laku kudu diilmuni”
Tanggal 2 Mei
Wis dicandrani
Kowen lair saka mane Soeedi
Nyong bapakmu Muhammad Syahuri
Wanti-wanti aja melu wolak-walik lakune wong munafik
Kowen kudu istiqomah, Topik:
“Aja liren dadi wong apik”
Poma aja mung jarkoni
Eling, kowen saka kulon Kali Pemali
Gandulana waton sing kenceng
Tetep andap asor
Senajan saiki nyandang ‘Profesor’
Ora usah minder asale saka desa,
Kaya pring: bambu,
Maunen disepelekna,
Saiki duwe wibawa
Bisa ngrajeg segara
Kowen ya kudu bisa
Gawe jejege hukum tata negara
